Sigfús mættur til Patreks í Emsdetten - myndband

Sigfús Sigurðsson er kominn til Emsdetten þar sem hann ætlar að hjálpa vini sínum Patreki Jóhannessyni í þýsku b-deildinni. Patrekur þjálfar lið TV Emsdetten en lenti í því á dögunum að missa tvo leikmenn í meiðsli.

Sigfús svaraði kalli fyrrum landsliðsfélaga síns og ætlar að spila með Emsdetten-liðinu næstu sex vikurnar í það minnsta. Sigfús er mættur til Þýskalands og það má sjá skemmtilegt myndband með þeim félögum með því að smella hér.

Patrekur og Sigfús eru báðir í viðtali í þessu myndbandi en menn verða þó að kunna eitthvað í þýsku til að skilja það sem kapparnir eru að segja.

Það er mikill áhugi fyrir komu Sigfúsar í Emsdetten og það hafa yfir 2000 miðar þegar selst á fyrsta leikinn hans sem verður toppslagur á móti Minden á laugardaginn kemur.