Segja gögn sanna bein afskipti Hannesar

Slitastjórn Glitnis telur sig búa yfir gögnum sem sanna að Hannes Smárason, fyrrum stjórnarformaður FL Group sem var stærsti hluthafi bankans, hafi haft bein áhrif á lánveitingar Glitnis á sínum tíma. Hefur Hannes sjálfur og reyndar velflestir sjömenninganna sem stefnt er af hálfu slitastjórnar neitað öllu slíku hingað til.

Slitastjórn Glitnis hefur farið fram á að leggja gögnin fram fyrir dómstól í New York þar sem hún hefur stefnt fyrrverandi stjórnendum og hluthöfum Glitnis og viðskiptafélögum þeirra og krafist 250 milljarða króna í skaðabætur.