Logi: Mikill léttir að vinna þennan leik

"Við erum hrikalega ánægðir með þennan sigur í dag. Þetta var ekki frábær leikur hjá okkur en við unnum. Ég er ógeðslega ánægður með það," sagði Logi Geirsson við Þorkel Sigurbjörnsson hjá Rúv eftir sigur FH á Val í dag.

Logi er nýkominn á ferðina eftir að hafa meiðst í landsleik á dögunum. Hann byrjaði leikinn í horninu en kom síðan á miðjuna og þá batnaði leikur FH til mikilla mina.

"Ég fór á miðjuna og það hjálpaði. Ég átti samt lélegan dag en strákarnir voru fínir," sagði Logi og bætti við að það væri mikilvægt að komast aftur á sigurbraut eftir tvo tapleiki.

"Það var mikill léttir að vinna þennan leik. Töpin voru okkur leikmönnum að kenna og því er gott að vera komnir aftur í gang."