Webber ekki vanmetinn af Red Bull

Christian Horner segir Mark Webber ekki vera ökumann númer tvö hjá líðinu, þó Webber hafi skotið föstu skoti að liði sínu í talkerfi bílsins eftir að hann kom í endamark sem sigurvegari í gær á Silverstone. Horner óskaði Webber til hamingju með árangurinn í talkerfið og Webber svaraði að bragði að það væri ekki slæmur árangur hjá ökumanni númer tvö hjá liðinu. Hann átti við að Sebastian Vettel væri í meiri metum, þar sem Horner hafði fært framvæng af bíl Webbers yfir á bíl Vettels fyrir tímatökuna á laugardag. Væng sem átti að virka betur og Webber fékk eldri útgáfuna. Ástæðan fyrir ákvörðun þessari var sögð sú að Vettel var ofar að stigum. "Mark er konungur snjallra ummæla, eins og við vitum. Það er mest um vert að hann vann breska kappaksturinn og ég er ánægður með aksturs hans", sagði Horner í frétt á autosport.com. "Ég tel ekkert illt á bakvið ummæli Marks. Hann var í uppnámi eftir ákvörðunina í gær og ég get vel ímyndað mér að hann hafi verið vonsvekktur að fá ekki vænginn, en það er ekki hægt að skipta honum í tvennt." "Mark skrifaði ekki undir samning við okkur um að vera ökumaður númer tvö. Hann veit hvað við höfum gert til að styðja við bak hans. Ég er ekki í vafa að hann á eftir að skoða það og allir geta lært sína lexíu. Hann veit líka að það þarf að taka erfiðar ákvarðanir í íþróttum." "Mark er með samning við okkur og við höfum fært honum bíl til að keppa á toppnum og um titilinn. Ég efa stórlega að hann labbi í burt frá því", sagði Horner. Webber er ofar að stigum en Vettel eftir mót helgarinnar og Horner segir að ef svipuð staða kom upp í næsta móti, þá muni Webber njóta þess. Red Bull liðið mun funda í atburði helgarinnar í dag og Webber á von á því að málin verði leyst og rædd í kjölin.