Eignir tryggingarfélaga lækkuðu um 1,2 milljarða milli mánaða

Heildareignir tryggingarfélaga námu 136 milljörðum kr. í lok september og lækkuðu um 1,2 milljarða kr. á milli mánaða.

Þetta kemur fram í hagtölum Seðlabankans. Þar segir að útlán og markaðsverðbréf námu 85,3 milljörðum kr. og lækkuðu um 714 milljónir kr. Verðtryggð markaðsskuldabréf lækkuðu um 873 milljónir kr. og önnur útlán um 680 milljónir kr. en hlutdeildarskírteini hækkuðu um 976 milljónir kr.

Skuldir tryggingarfélaga námu 79,4 milljörðum kr. í lok september og lækkuðu um 1,2 milljarða kr. sem stafar af lækkun á iðgjaldaskuld. Eigið fé nam 56,6 milljörðum kr í lok mánaðarins.