Stjörnukonur unnu nauman sigur í Eyjum

Það fóru þrír leikir fram í N1 deild kvenna í handbolta í dag. Stjarnan vann sinn fimmta sigur í röð og náði toppliði Fram að stigum en Framkonur eiga leik inni. Hafnarfjarðarliðin FH og Haukar unnu líka sína leiki.

Stjarnan hefur verið á góðu skriði en mátti þakka fyrir að taka bæði stigin með sér heim frá Eyjum. Eyjastúlkur náðu mest fjögurra marka forustu í fyrri hálfeik og voru 11-10 yfir í hálfleik. Stjörnukonur komu sterkar inn í seinni hálfleikinn og tryggðu sér að lokum eins marks sigur, 26-25.

FH-konur unnu þriggja marka sigur á Gróttu á heimavelli, 24-21, og komustu fyrir vikið upp fyrir ÍBV og HK og alla leið upp í 5. sæti deildarinnar. Haukakonur unnu síðan fimmtán marka sigur á botnliði ÍR, 30-15.



Úrslit og markaskorar í N1 deild kvenna í dag:

ÍBV-Stjarnan 25-26 (11-10)



Mörk ÍBV: Ester Óskarsdóttir 9, Þórsteina Sigurbjörnsdóttir 5,

Guðbjörg Guðmannsdóttir 5, Renata Horvath 4, Lovísa Jóhannsdóttir 1, Aníta Elíasdóttir 1.

Mörk Stjörnunnar: Jóna Margrét Ragnarsdóttir 7, Hanna Guðrún Stefánsdóttir 5, Þorgerður Anna Atladóttir 4, Hildur Harðardóttir 3, Solveig Lára Kjærnested 3, Esther Viktoría Ragnarsdóttir 2, Þórhildur Gunnarsdóttir 2.



FH-Grótta 24-21 (11-9)

Mörk FH: Ragnhildur Rósa Guðmundsdóttir 7, Heiðdís Rún Guðmundsdóttir 4, Steinunn Snorradóttir 4, Arnheiður Guðmundsdóttir 3, Margrét Ósk Aronsdóttir 2, Sigrún Gilsdóttir 1, Hind Hannesdóttir 1, Ingibjörg Pálmadóttir 1, Kristjana Þorradóttir 1.

Mörk Gróttu: Tinna Laxdal Gautadóttir 5, Ásrún Lilja Birgisdóttir 4, Björg Fenger 3, Eva Björk Davíðsdóttir 3, Hildur Marín Andrésdóttir 2, Sóley Arnarsdóttir 2, Fríða Jónsdóttir 1, Ásgerður Dúa Jóhannesdóttir 1.



ÍR - Haukar 15-30 (5-13)

Mörk ÍR: Sif Jónsdóttir 7, Guðrún Ágústa Róbertsdóttir 3, Þorbjörg Anna Steinarsdóttir 3, Silja Ísberg 1, Ellla Kowaltz 1.



Mörk Hauka: Erla Eiríksdóttir 5, Þórunn Friðriksdóttir 5, Þórdís Helgadóttir 5, Karen Helga Sigurjónsdóttir 5, Gunnhildur Pétursdóttir 3, Viktoría Valdimarsdóttir 2, Sandra Sif Sigurjónsdóttir 2, Ragnheiður Sveinsdóttir 1, Hekla Hannesdóttir 1, Sjöfn Ragnarsdóttir 1.