Ríkislögreglustjóri getur ekki lagt hald á 1,7 milljarða

Hæstiréttur vísaði í morgun frá kröfu Ríkislögreglustjóra um heimild til að leggja hald á 1,7 milljarða króna inneign á bankareikningum hjá sænskum banka. Um er að ræða reikninga fjögurra manna sem grunaðir eru um brot á lögum um gjaldeyrisviðskipti.

Héraðsdómur hafði áður fallist á kröfu lögreglunnar en sænskum yfirvöldum var send réttarbeiðni með ósk um liðsinni þeirra við að framfylgja úrskurðinum en sænks yfirvöld höfnuðu beiðninni. Hæstiréttur vísaði því málinu frá á grundvelli þess að úrskurðinum yrði ekki framfylgt.

Það var í lok janúar sem greint var frá því í fjölmiðlum að þeir Markús Máni Michaelsson, Ólafur Sigmundsson, Gísli Reynisson og Karl Löve væru grunaðir um stórfellt brot á lögum um gjaldeyrisviðskipti. Þeir eru allir fyrrverandi starfsmenn Straums fjárfestingarbanka.