Þorsteinn Pálsson: Ólga meðal flokksmanna Þorbjörn Þórðarson skrifar 1. júlí 2010 18:27 Óánægðir sjálfstæðismenn hafa ekki stofnað nýjan flokk eins og rætt var um eftir landsfund. Fyrrverandi formaður segir niðurstöðu landsfundar slæma og að hún þrengi möguleika Sjálfstæðisflokksins til stjórnarsamstarfs á miðju stjórnmálanna. Þá segir hann að töluverð ólga sé í Sjálfstæðisflokknum vegna niðurstöðunnar, en hann er þó ekki á leið úr flokknum. Framkvæmdastjóri flokksins segir fáa hafa sagt sig úr flokknum frá landsfundi. Þorsteinn Pálsson, fyrrverandi formaður Sjálfstæðisflokksins, er einn þeirra sem lýst hefur yfir óánægju með þann hluta stjórnmálaályktunar landsfundar flokksins er snýr að Evrópumálum. Er þetta grundvallarbreyting á afstöðu flokksins? „Já, þetta er grundvallarbreyting og það er þrennt sem mér finnst skipta máli pólitískt í því samhengi. Þetta er í fyrsta sinn sem Sjálfstæðisflokkurinn segir sig frá áhrifum um samninga um frekara samstarf við Evrópuþjóðir. Í annan stað finnst mér það afar ólýðræðislegt að afturkalla ákvörðun Alþingis um að hefja samningaviðræður í stað þess að láta á það reyna hver niðurstaða verður í samningum og leyfa þjóðinni sjálfri að taka ákvörðun í þjóðaratkvæðagreiðslu. Í þriðja lagi finnst mér þessi niðurstaða mjög slæm fyrir Sjálfstæðisflokkinn því hún þrengir mjög möguleika hans til stjórnarsamstarfs og raunverulega útilokar að mínu mati breiðara stjórnarsamstarf nær miðju stjórnmálanna sem ég hygg að hafi verið mikil eftirspurn eftir," segir Þorsteinn. Hefði verið heppilega ef flokkurinn hefði lýst því yfir að hann hyggðist berjast fyrir hagsmunum Íslands í viðræðunum og leyfa þjóðinni að taka afstöðu til samnings þegar hann lægi fyrir? „Það hefði verið eðlileg niðurstaða. Það er enginn að kalla eftir því að menn taki ákvörðun um það í dag hvort að þeir styðja aðild eða ekki. Það er auðvitað mjög erfitt að gera það fyrr en menn vita hvað í hugsanlegum samningi felst. Það sem skiptir máli er að láta á þetta reyna og leyfa þjóðinni að taka endanlega ákvörðun." Á fundi samtakanna Sjálfstæðir Evrópumenn í gær kom fram hörð gagnrýni á ályktun landsfundarins. Margir hafa stigið fram og lýst yfir óánægju sinni og rætt hefur verið um stofnun nýs stjórnmálaafls hægra megin við miðju, telur þú að það verði raunin? „Ég hef ekki verið þeirrar skoðunar, en eins og þú segir þá hefur verið mikil ólga vegna þessarar afstöðu og ýmsir hafa ákveðið að stíga skref í þá átt. Ég er ekki þeirrar skoðunar. Hins vegar er alveg ljóst að það skiptir miklu máli, og er mikilvægt, að breikka pólitískt bakland aðildarumsóknarinnar og samtökin Sjálfstæðir Evrópumenn tóku ákvörðun um það að fela stjórn samtakanna að vinna að því," segir Þorsteinn. Aðspurður hvort hann hvetji aðra sjálfstæðismenn, sem deili hugsjónum hans, til að starfa áfram á vettvangi flokksins segir hann að hver og einn verði að gera það upp við sig. „En, ég er ekki á þeirri leið," segir Þorsteinn og segist ætla starfa áfram á vettvangi Sjálfstæðisflokksins og reyna að hafa áhrif á stefnu hans. Jónmundur Guðmarsson, framkvæmdastjóri Sjálfstæðisflokksins, segir að tiltölulega lítið hafi verið um skráningar úr flokknum frá landsfundinum og þá hafi nýir flokksfélagar bæst við í einhverjum mæli. Jónmundur segir að í jafn stórum flokki sé alltaf hreyfing á flokksfélögum en meira en fimmtíu þúsund einstaklingar eru skráðir í Sjálfstæðisflokkinn. Jónmundur segist ekki hafa orðið var við neina tilburði til þess að stofna nýjan stjórnmálaflokk annað en það sem hann hafi lesið á bloggsíðum á netinu. Jónmundur og félagar hans hafa í raun ástæðu til að gleðjast því Morgunblaðið birti í dag skoðanakönnun sem sýnir aukið fylgi Sjálfstæðisflokksins, en flokkurinn fengi nú tæp þrjátíu og fimm prósent atkvæða, ellefu prósentustigum meira en í alþingiskosningunum í fyrra. Þó ber að taka fram að könnunin var gerð dagana 11.-28. júní, en það var að mestu fyrir landsfund flokksins, sem stóð yfir dagana 25.-26. júní. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent Bein útsending: Kosningasjónvarp Stöðvar 2 Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Sjá meira
Óánægðir sjálfstæðismenn hafa ekki stofnað nýjan flokk eins og rætt var um eftir landsfund. Fyrrverandi formaður segir niðurstöðu landsfundar slæma og að hún þrengi möguleika Sjálfstæðisflokksins til stjórnarsamstarfs á miðju stjórnmálanna. Þá segir hann að töluverð ólga sé í Sjálfstæðisflokknum vegna niðurstöðunnar, en hann er þó ekki á leið úr flokknum. Framkvæmdastjóri flokksins segir fáa hafa sagt sig úr flokknum frá landsfundi. Þorsteinn Pálsson, fyrrverandi formaður Sjálfstæðisflokksins, er einn þeirra sem lýst hefur yfir óánægju með þann hluta stjórnmálaályktunar landsfundar flokksins er snýr að Evrópumálum. Er þetta grundvallarbreyting á afstöðu flokksins? „Já, þetta er grundvallarbreyting og það er þrennt sem mér finnst skipta máli pólitískt í því samhengi. Þetta er í fyrsta sinn sem Sjálfstæðisflokkurinn segir sig frá áhrifum um samninga um frekara samstarf við Evrópuþjóðir. Í annan stað finnst mér það afar ólýðræðislegt að afturkalla ákvörðun Alþingis um að hefja samningaviðræður í stað þess að láta á það reyna hver niðurstaða verður í samningum og leyfa þjóðinni sjálfri að taka ákvörðun í þjóðaratkvæðagreiðslu. Í þriðja lagi finnst mér þessi niðurstaða mjög slæm fyrir Sjálfstæðisflokkinn því hún þrengir mjög möguleika hans til stjórnarsamstarfs og raunverulega útilokar að mínu mati breiðara stjórnarsamstarf nær miðju stjórnmálanna sem ég hygg að hafi verið mikil eftirspurn eftir," segir Þorsteinn. Hefði verið heppilega ef flokkurinn hefði lýst því yfir að hann hyggðist berjast fyrir hagsmunum Íslands í viðræðunum og leyfa þjóðinni að taka afstöðu til samnings þegar hann lægi fyrir? „Það hefði verið eðlileg niðurstaða. Það er enginn að kalla eftir því að menn taki ákvörðun um það í dag hvort að þeir styðja aðild eða ekki. Það er auðvitað mjög erfitt að gera það fyrr en menn vita hvað í hugsanlegum samningi felst. Það sem skiptir máli er að láta á þetta reyna og leyfa þjóðinni að taka endanlega ákvörðun." Á fundi samtakanna Sjálfstæðir Evrópumenn í gær kom fram hörð gagnrýni á ályktun landsfundarins. Margir hafa stigið fram og lýst yfir óánægju sinni og rætt hefur verið um stofnun nýs stjórnmálaafls hægra megin við miðju, telur þú að það verði raunin? „Ég hef ekki verið þeirrar skoðunar, en eins og þú segir þá hefur verið mikil ólga vegna þessarar afstöðu og ýmsir hafa ákveðið að stíga skref í þá átt. Ég er ekki þeirrar skoðunar. Hins vegar er alveg ljóst að það skiptir miklu máli, og er mikilvægt, að breikka pólitískt bakland aðildarumsóknarinnar og samtökin Sjálfstæðir Evrópumenn tóku ákvörðun um það að fela stjórn samtakanna að vinna að því," segir Þorsteinn. Aðspurður hvort hann hvetji aðra sjálfstæðismenn, sem deili hugsjónum hans, til að starfa áfram á vettvangi flokksins segir hann að hver og einn verði að gera það upp við sig. „En, ég er ekki á þeirri leið," segir Þorsteinn og segist ætla starfa áfram á vettvangi Sjálfstæðisflokksins og reyna að hafa áhrif á stefnu hans. Jónmundur Guðmarsson, framkvæmdastjóri Sjálfstæðisflokksins, segir að tiltölulega lítið hafi verið um skráningar úr flokknum frá landsfundinum og þá hafi nýir flokksfélagar bæst við í einhverjum mæli. Jónmundur segir að í jafn stórum flokki sé alltaf hreyfing á flokksfélögum en meira en fimmtíu þúsund einstaklingar eru skráðir í Sjálfstæðisflokkinn. Jónmundur segist ekki hafa orðið var við neina tilburði til þess að stofna nýjan stjórnmálaflokk annað en það sem hann hafi lesið á bloggsíðum á netinu. Jónmundur og félagar hans hafa í raun ástæðu til að gleðjast því Morgunblaðið birti í dag skoðanakönnun sem sýnir aukið fylgi Sjálfstæðisflokksins, en flokkurinn fengi nú tæp þrjátíu og fimm prósent atkvæða, ellefu prósentustigum meira en í alþingiskosningunum í fyrra. Þó ber að taka fram að könnunin var gerð dagana 11.-28. júní, en það var að mestu fyrir landsfund flokksins, sem stóð yfir dagana 25.-26. júní.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent Bein útsending: Kosningasjónvarp Stöðvar 2 Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Sjá meira