Aldrei mikilvægara en nú að kveða á um þjóðareign náttúruauðlinda

Jóhanna Sigurðardóttir sagði við eldhúsdagsskrárumræður að ríkisstjórnin hefði ekki tekið við góðu búi þegar hún tók til starfa, en tekist hefði að snúa vörn í sókn. Benti hún á að verðbólgan væri á undanhaldi og vextir teknir að lækka. Hún sagði að ríkisstjórnin hefði beitt sér fyrir fjölda mála frá því að hún tók til starfa og benti á að unnið væri að því að skapa 6000 störf.

Jóhanna sagði að það væri dapurlegt til þess að vita að mörg brýn mál væru að bíða vegna málþófs sjálfstæðismanna. Þá sagði hún að það hefði adrei verið mikilvægara en nú að kveðið væri um það í stjórnarskrá að dýrmætar náttúruauðlindir séu eign þjóðarinnar sem ekki megi selja varanlega. Mikilvægt væri að kosið yrðitil stjórnlagaþings.

Þá sagði Jóhanna að Ísland ætti að stefna að aðildarumsókn að ESB og að taka upp evru.