Kreppan ekki látin fara til spillis 8. apríl 2009 04:30 Microsoft-toppar Halldór Jörgensson, framkvæmdastjóri Microsoft á Íslandi, og Barbara Gordon, aðstoðarforstjóri hjá Microsoft og hæst setti yfirmaður félagsins sem hingað hefur komið til ráðstefnuhalds, gáfu sér nýverið tíma til að setjast niður með blaðamanni. Mynd/Stefán „Synd væri að láta kreppuna fara til spillis," segir Barbara Gordon, aðstoðarforstjóri sölusviðs Microsoft til fyrirtækja og samstarfsaðila (Enterprise & Partner Group, EMEA). Barbara er hæst setti stjórnandi Microsoft-samsteypunnar sem sótt hefur landið heim, en hún var hér nýverið á ráðstefnu fyrirtækisins. Hún segir upplýsingatæknina geta komið að notum í niðursveiflu efnahagslífsins. Tvíþætt skilaboð héðanBarbara GordonBarbara er önnum kafin við ráðstefnuhald og kynningarstarf hjá Microsoft, en hún er í hópi þeirra sem leggja línurnar í stefnu fyrirtækisins til lengri tíma. Hingað kom hún beint frá París þar sem hún er búsett, en dagana og vikurnar þar á undan var hún á þeytingi í Moskvu, Þýskalandi, Frakklandi, Bretlandi og Portúgal. „Mig langaði hins vegar að koma hingað og fá tækifæri til að setjast niður með stjórnendum helstu fyrirtækja og félagasamtaka og svo líka með samstarfsfyrirtækjum Microsoft hér á landi," segir hún. Ástæðuna segir hún meðal annars vera hversu hart fjármálakreppa heimsins hafi leikið landið og því hafi hún viljað koma hingað og upplifa ástandið sjálf.„Skilaboðin sem ég fæ eru að ég tel tvíþætt. Annars vegar er fólk upptekið af því að ástandið hafi verið erfitt og engin furða. Fólk segir að grundvallarbreyting hafi orðið á því hvernig það hagar lífi sínu. Hin skilaboðin eru að tekin séu að sjást jákvæð ummerki, landið sigli nú nærri botni kreppunnar og verði fyrsta landið til að rétta aftur úr kútnum." Jafnframt kveðst Barbara finna fyrir því að fólk vilji hverfa aftur til eldri grunngilda í samfélaginu og leggja áherslu á þá hluti sem mestu máli skipti. Kostir upplýsinga-tækninnar eru þekktir„Öllum má ljóst vera að hér á Íslandi og um heiminn ríkir kreppa og það eru engin ný tíðindi," segir Barbara Gordon, en kveður um leið í henni felast tækifæri til að nota nýsköpun til að koma á breytingum í fyrirtækjarekstri. „Þetta snýst um að auka skilvirkni og hagkvæmni í rekstri, en slíkir þættir geta ráðið úrslitum um hvernig við komum út úr kreppunni. Upplýsingatæknin nýtist svo sem hreyfiafl þessarar nýsköpunar."Barbara kveðst hins vegar ekki óttast að upplýsingatæknin verði látin gjalda fyrir hrakfarir fjármálaheimsins, þar sem færslur og peningar eru jú allar rafrænar, eða að kallað verði eftir einhvers konar afturhvarfi fjármálaheimsins til áþreifanlegri hluta. „Ég held að fólk tengi ekki þær breytingar sem upplýsingatæknin hefur haft í för með sér við vinnsluferla í fjármálageiranum og fall hans, enda þekkja flestir af eigin raun ábatann sem upplýsingatæknin hefur haft í för með sér. Nægir þar að nefna tölvupóstinn, sem verið hefur í almennri notkun í lengri tíma en síðustu þrjú uppgangsár fjármálaheimsins. Fólk hefur notað tölvupóst í tuttugu ár og notar tæknina sér til hagsbóta og þæginda í samskiptum. Spurningin nú er hvernig tæknin getur orðið drifkraftur næstu bylgju nýsköpunar. Hvernig er hægt að draga úr ferðakostnaði? Jú, með því að fara hvergi. Samt þarf að eiga í samskiptum við fólk og viðhalda tengingum og samstarfi. Við höfum tæknina til að aðstoða við það." Finna leiðir þegar stefnan er orðin ljósÞá segir Barbara að Microsoft vilji leggja sitt af mörkum til þess að létta fyrirtækjum og raunar hagkerfinu öllu róðurinn í kreppunni, svo sem með því að festa gengi gjaldmiðla í viðskiptum félagsins hér á landi, líkt og hér hafi verið gert um miðjan mars þegar gengi evru var fest við 120 krónur.„Við viljum hjálpa til eins og við getum og þar sem við getum haft áhrif," segir Barbara, en Microsoft sem fjölþjóðafyrirtæki vinnur að ýmsum málum með stjórnvöldum á hverjum stað. „Við hjálpum til dæmis við að finna leiðir þar sem notkun upplýsingatækninnar getur hjálpað til í aðgerðum sem ætlað er að efla hagvöxt. Þegar stjórnmálamaður á borð við Obama Bandaríkjaforseta, eða Merkel Þýskalandskanslara, segir eitthvað á borð við að þau vilji veita fjármagni út í hagkerfið til að ýta undir eftirspurn, þá vinnum við með fyrirtækjunum í að hrinda slíkum hlutum í framkvæmd. Við notum tækni okkar til að búa til eftirspurnina. Við erum hins vegar ekkert hreyfiafl hagkerfa og erum ekki félag sem getur skrúfað upp það flæði fjármagns sem þarf til að koma heiminum upp úr kreppunni. Það sem við getum gert er að hjálpa til við að draga úr kostnaði og bæta samskiptin við viðskiptavini okkar."olikr@markadurinn.is Markaðir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Selma nýr formaður Kvenna í orkumálum Viðskipti innlent Verðbólgan minnkar en vextirnir hækka Viðskipti innlent Farsímatekjur undir væntingum Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
„Synd væri að láta kreppuna fara til spillis," segir Barbara Gordon, aðstoðarforstjóri sölusviðs Microsoft til fyrirtækja og samstarfsaðila (Enterprise & Partner Group, EMEA). Barbara er hæst setti stjórnandi Microsoft-samsteypunnar sem sótt hefur landið heim, en hún var hér nýverið á ráðstefnu fyrirtækisins. Hún segir upplýsingatæknina geta komið að notum í niðursveiflu efnahagslífsins. Tvíþætt skilaboð héðanBarbara GordonBarbara er önnum kafin við ráðstefnuhald og kynningarstarf hjá Microsoft, en hún er í hópi þeirra sem leggja línurnar í stefnu fyrirtækisins til lengri tíma. Hingað kom hún beint frá París þar sem hún er búsett, en dagana og vikurnar þar á undan var hún á þeytingi í Moskvu, Þýskalandi, Frakklandi, Bretlandi og Portúgal. „Mig langaði hins vegar að koma hingað og fá tækifæri til að setjast niður með stjórnendum helstu fyrirtækja og félagasamtaka og svo líka með samstarfsfyrirtækjum Microsoft hér á landi," segir hún. Ástæðuna segir hún meðal annars vera hversu hart fjármálakreppa heimsins hafi leikið landið og því hafi hún viljað koma hingað og upplifa ástandið sjálf.„Skilaboðin sem ég fæ eru að ég tel tvíþætt. Annars vegar er fólk upptekið af því að ástandið hafi verið erfitt og engin furða. Fólk segir að grundvallarbreyting hafi orðið á því hvernig það hagar lífi sínu. Hin skilaboðin eru að tekin séu að sjást jákvæð ummerki, landið sigli nú nærri botni kreppunnar og verði fyrsta landið til að rétta aftur úr kútnum." Jafnframt kveðst Barbara finna fyrir því að fólk vilji hverfa aftur til eldri grunngilda í samfélaginu og leggja áherslu á þá hluti sem mestu máli skipti. Kostir upplýsinga-tækninnar eru þekktir„Öllum má ljóst vera að hér á Íslandi og um heiminn ríkir kreppa og það eru engin ný tíðindi," segir Barbara Gordon, en kveður um leið í henni felast tækifæri til að nota nýsköpun til að koma á breytingum í fyrirtækjarekstri. „Þetta snýst um að auka skilvirkni og hagkvæmni í rekstri, en slíkir þættir geta ráðið úrslitum um hvernig við komum út úr kreppunni. Upplýsingatæknin nýtist svo sem hreyfiafl þessarar nýsköpunar."Barbara kveðst hins vegar ekki óttast að upplýsingatæknin verði látin gjalda fyrir hrakfarir fjármálaheimsins, þar sem færslur og peningar eru jú allar rafrænar, eða að kallað verði eftir einhvers konar afturhvarfi fjármálaheimsins til áþreifanlegri hluta. „Ég held að fólk tengi ekki þær breytingar sem upplýsingatæknin hefur haft í för með sér við vinnsluferla í fjármálageiranum og fall hans, enda þekkja flestir af eigin raun ábatann sem upplýsingatæknin hefur haft í för með sér. Nægir þar að nefna tölvupóstinn, sem verið hefur í almennri notkun í lengri tíma en síðustu þrjú uppgangsár fjármálaheimsins. Fólk hefur notað tölvupóst í tuttugu ár og notar tæknina sér til hagsbóta og þæginda í samskiptum. Spurningin nú er hvernig tæknin getur orðið drifkraftur næstu bylgju nýsköpunar. Hvernig er hægt að draga úr ferðakostnaði? Jú, með því að fara hvergi. Samt þarf að eiga í samskiptum við fólk og viðhalda tengingum og samstarfi. Við höfum tæknina til að aðstoða við það." Finna leiðir þegar stefnan er orðin ljósÞá segir Barbara að Microsoft vilji leggja sitt af mörkum til þess að létta fyrirtækjum og raunar hagkerfinu öllu róðurinn í kreppunni, svo sem með því að festa gengi gjaldmiðla í viðskiptum félagsins hér á landi, líkt og hér hafi verið gert um miðjan mars þegar gengi evru var fest við 120 krónur.„Við viljum hjálpa til eins og við getum og þar sem við getum haft áhrif," segir Barbara, en Microsoft sem fjölþjóðafyrirtæki vinnur að ýmsum málum með stjórnvöldum á hverjum stað. „Við hjálpum til dæmis við að finna leiðir þar sem notkun upplýsingatækninnar getur hjálpað til í aðgerðum sem ætlað er að efla hagvöxt. Þegar stjórnmálamaður á borð við Obama Bandaríkjaforseta, eða Merkel Þýskalandskanslara, segir eitthvað á borð við að þau vilji veita fjármagni út í hagkerfið til að ýta undir eftirspurn, þá vinnum við með fyrirtækjunum í að hrinda slíkum hlutum í framkvæmd. Við notum tækni okkar til að búa til eftirspurnina. Við erum hins vegar ekkert hreyfiafl hagkerfa og erum ekki félag sem getur skrúfað upp það flæði fjármagns sem þarf til að koma heiminum upp úr kreppunni. Það sem við getum gert er að hjálpa til við að draga úr kostnaði og bæta samskiptin við viðskiptavini okkar."olikr@markadurinn.is
Markaðir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Selma nýr formaður Kvenna í orkumálum Viðskipti innlent Verðbólgan minnkar en vextirnir hækka Viðskipti innlent Farsímatekjur undir væntingum Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira