Logi er markahæstur

Logi Geirsson er markahæsti maður Minningarmóts Staffan Holmqvist í Svíþjóð fyrir leikina um sæti sem fara fram í dag.

Logi hefur skorað 19 mörk í tveimur leikjum íslenska liðsins þar af sjö þeirra úr vítaköstum. Logi hefur tveggja marka forskot á sænska vinstri hornamanninn Henrik Lundström en þeir tveir eru í nokkrum sérflokki á þessum lista.

Logi hefur skorað tólf mörkum meira en næsti maður í íslenska landsliðinu en fyrirliðinn Róbert Gunnarsson hefur skorað 7 mörk.

Markahæstu menn á mótinu:

Logi Geirsson, Íslandi 19 mörk

Henrik Lundström, Svíþjóð (1) 17

Ahmed Al-Ahmar, Egyptaland 13

Jaleleddine Touati, Túnis 13

Oscar Carlén, Svíþjóð (2) 11

Jonas Larholm, Svíþjóð (1) 11

Leikir um sæti á mótinu í dag:

14.00 Leikur um 5. sæti Kúvæt-Egyptaland

16.15 Leikur um 3. sæti Ísland-Túnis

18.30 Úrslitaleikur Svíþjóð (1)-Svíþjóð (2)