Vissi ekki um lán til Al-Thani

Lýður Guðmundsson, stjórnarformaður Existu og fyrrum stjórnarmaður í Kaupþingi, segir að hann hafi ekki vitað um lán Kaupþings til Sjeiks Mohameds bin Khalifa Al-Thani.

Lánið hafi ekki komið á borð stjórnarinnar. Þetta kom fram í viðtali við Kastljós í gærkvöldi.

Al Thani keypti 5,01 prósents hlut í Kaupþingi í gegnum fyrirtækið Q Finance ehf. rétt fyrir hrun á genginu 690 krónur á hlut. Málið hefur verið til rannsóknar hjá Fjármálaeftirlitinu að undanförnu vegna gruns um sýndarviðskipti.- vsp