Ísland yfir í hálfleik

Íslenska landsliðið hefur yfir 14-8 þegar flautað hefur verið til hlés í viðureign liðsins gegn Egyptum á æfingamótinu í Svíþjóð

Íslenska liðið hefur verið skrefinu á undan allt frá fyrstu mínútu og hefur tekið sig saman í andlitinu frá síðasta leik þegar það steinlá fyrir B-liði Svía.

Egyptarnir hafa reyndar ekki verið sérlega frískir en íslenska liðið náði 2-0 og 5-2 forystu í leiknum og hefur hún ekki farið niður fyrir tvö mörk síðan.

Íslensku strákarnir hafa skipt markaskorun nokkuð jafnt á milli sín og Björgvin hefur varið ágætlega í markinu.

Mörk Íslands:

Logi Geirs 3, Róbert Gunnars 3, Ragnar Óskars 2, Þórir Ólafs 2, Sverre 1, Sturla Ásgeirs 1, Vignir Svavars 1, Ásgeir Örn 1