Viðskipti innlent

Listi yfir stofnfjáreigendur Byr hverfur

Valur Grettisson skrifar
Listi yfir stofnfjáreigendur hvarf af heimasíðu Byr í hádeginu en þar mátti finna stofnfjáreigandann Reykjavík Invest.
Listi yfir stofnfjáreigendur hvarf af heimasíðu Byr í hádeginu en þar mátti finna stofnfjáreigandann Reykjavík Invest.

Listi yfir stofnfjáreigendur Byrs var fjarlægður af heimasíðu Byrs í morgun en þar kom fram að Reykjavík Invest ætti 2,6 prósent hlut í bankanum þrátt fyrir tilkynningu skilanefndar Landsbankans í gær um að viðskiptin hefðu ekki átt sér stað.

Það var Lárus Finnbogason, formaður skilanefndarinnar, og endurskoðandi kaupandan, Reykjavík Invest, sem virðist hafa haft milligöngu um fyrirhuguð viðskipti. Eftir að fréttastofa Stöðva 2 sagði frá málinu í gær kom skilanefnd bankans saman og gaf út yfirlýsingu þess eðlis að salan hefði verið háð skilyrðum hennar, og það hafi ekki fengist.

Eignandi Reyjavík Invest, Arnar Bjarnason, er í framboði til stjórnar Byr en framboðið er runnið undan rifjum Sveins Margeirssonar og konu hans, Rakelar Gylfadóttur. Rakel sagði í viðtali við Vísi í morgun að þau hefðu ekki vitað af viðskiptunum.

Listi yfir stofnjáreigendur mátti finna á heimasíðu bankans í morgun. Þar kom skýrt fram að Reykjavík Invest ætti 2,6 prósentu hlutinn sem skilanefnd Landsbankans sagðist ekki hafa samþykkt að selja þeim.

Ástæðan fyrir því að Arnar ásældist hlutinn er sá að honum fylgir atkvæðaréttur á aðalfundi Byrs.

Það var svo um hádegisbilið sem búið var að fjarlæga listann yfir alla stofnfjáreigendur.

Ekki náðist í bankastjóra Byrs, Ragnar Z. Guðjónsson, til þess að spyrja hann um örlög listans, þegar eftir því var leitað.


Tengdar fréttir

Fjármálaeftirlitið kannar stofnfjársölu Landsbankans

„Það er verið að láta kanna þetta," segir Gunnar Þ. Andersen, forstjóri Fjármálaeftirlitsins um fyrirhugaða sölu á stofnfjárbréfum Byr til eignarhaldsfélagsins Reykjavík Invest sem fréttastofa Stöðvar 2 sagði frá í gær.

Segjast ekki hafa komið nálægt tilraun til stofnfjárkaupa

„Við komum ekkert að þessari sölu," segir Rakel Gylfadóttir sem býður sig fram ásamt Arnari Bjarnasyni í stjórn Byrs. Arnar á eignarhaldsfélagið Reykjavík Invest sem hugðist kaupa stofnfjárbréf af skilanefndar Landsbankans en formaður nefndarinnar, Lárus Finnbogason, hugðist hafa milligöngu um það.

Segja söluna á BYR-hlutnum aldrei hafa átt sér stað

Skilanefnd Landsbanka Íslands hefur sent frá sér fréttatilkynning vegna fréttar Stöðvar 2 frá því fyrr í kvöld um sölu bankans á 2,6% stofnfjárhlut í BYR. Þar segir að sala þessi hafi verið háð samþykki Skilanefndarinnar. Afstaða Skilanefndar hafi hinsvegar ekki legið fyrir þegar tilkynningin var send Byr sparisjóði. Skilanefnd Landsbankans hafi tekið málið fyrir og salan hafi ekki hlotið samþykki nefndarinnar.

FME skoði sölu Landsbankans á BYR-hlut

Jóhanna Sigurðardóttir forsætisráðherra sagði í kvöld að ef einhver misbrestur væri á sölu Landsbankans á 2,6% hlut í BYR hljóti það að vera eitthvað sem Fjármálaeftirlitið muni skoða. Fréttastofa sagði frá því fyrr í kvöld að bankinn hefði selt umræddan hlut til félags sem heitir Reykjavík Invest. Formaður skilanefndar Landabankans, Lárus Finnbogason, er endurskoðandi félagsins. Hann vildi ekki gefa upp kaupverðið né hvernig hluturinn var fjármagnaður í samtali við fréttastofu.

Segja sölu Landsbankans á hlut í BYR spillingu

Skilanefnd Landsbankans seldi 2,6% hlut í Byr til lítils fjárfestingafélags rúmri viku fyrir aðalfund. Endurskoðandi félagsins er formaður skilanefndarinnar. Salan lyktar af atkvæðasmölun og spillingu segja stofnfjáreigendur.



Mest lesið


Fleiri fréttir

Sjá meira


×

Mest lesið