Massa stóðst þolpróf í Ferrari ökuhermi

Felipe Massa er á góðri leið í endurhæfingu sinni eftir slysið í Ungverjalandi í sumar. Hann ók sex tíma í ökuhermi Ferrari liðsins og er að vonast eftir að geta keppt í lokamótinu í Abu Dhabi í byrjun nóvember.

Hann hefur þegar reynt sig á kartbíl og hefur verið í herbúðum Ferrari síðustu daga og endurnýjað kynni sína af liðsmönnum og stundað líkamsrækt. Hann mun keyra Ferrari 2007 á næstu dögum á brautnni í Firano.

"Það gekk vel að keyra ökuherminn og engin vandamál komu upp líkamlega séð. Ökuhermirinn er reyndar eins og A1 GP bíll, ekki Formúlu 1 bíll, en nógu nálægt samt. Ég ók brautina í Barcelona, sem tekur ekki eins mikið á og margar aðrar brautir", sagði Massa.

"Ég sakna þess að vera ekki í Formúlu 1 umhverfinu. Það er ástríða mín, ekki bara vinna. Það var erfitt að horfa á mótin í sjónvarpnu og sérstaklega þegar ég þurfti að vakna um miðjar nætur", sagði Massa í gamasömum dúr.

Næsta mót er á heimavelli Massa í Brasilíu, en hann vann mótið í Interlagos í fyrra og var einu stigi frá því að verða heimsmeistari.