Lýst eftir Huldísi Ingu

Lögreglan á höfuðborgarsvæðinu leitar að Huldísi Ingu Bjarkadóttur, sextán ára að aldri, en hún mun vera í samfloti við Aðalsteinu Líf sem lýst var eftir á Vísi fyrr í dag.

Samkvæmt upplýsingum frá lögreglu er þriðja stúlkan einnig með þeim, en þar sem hún heyrir undir annað umdæmi félagsmálayfirvalda er ekki hægt að lýsa eftir henni að svo stöddu.

Huldís fór frá heimili sínu á miðvikudag og hefur ekki skilað sér aftur. Hún er um 160 sentimetrar á hæð, grannvaxin með ljóst hár og brún augu.

Huldís er klædd í hermannabuxur, hvíta skó og svarta hettupeysu.

Þeir sem hafa upplýsingar um hvar hún gæti verið eða hafa séð hana eru beðnir um að hafa samband við lögreglu í síma 444-1100.