Þýski handboltinn: Löwen á sigurbraut

Fjölmargir Íslendingar tóku þátt í leikjum dagsins í þýska handboltanum og flestir voru þeir að spila vel.

Rhein-Neckar Löwen er á uppleið og vann auðveldan sigur á Dormagen, 25-35. Guðjón Valur Sigurðsson þar markahæstur með 7 mörk fyrir Löwen. Ólafur Stefánsson var með 6/5 mörk og Snorri Steinn Guðjónsson 3.

Lemgo vann þægilegan útisigur á Balingen, 20-26, þar sem Vignir Svavarsson skoraði 2 mörk fyrir Lemgo. Logi Geirsson enn meiddur og gat því ekki spilað með Lemgo.

TuS N-Lübbecke tapaði naumlega fyrir Madeburg, 29-30, þar sem Þórir Ólafsson skoraði 5 mörk fyrir Lübbecke og Heiðmar Felixson 3.

Íslendingaliðin Grosswallstadt og Minden gerðu 25-25 jafntefli. Gylfi Gylfason með 6 mörk fyrir Minden og Ingimundur Inigmundarson komst aldrei þessu vant á blað og skoraði 3 mörk. Sverre Jakobsson skoraði ekki fyrir Grosswallstadt og Einar Hólmgeirsson lék ekki með liðinu vegna meiðsla.

Róbert Gunnarsson skoraði 4 mörk fyrir Gummersbach sem lagði Melsungen, 23-32, og Alexander Petersson skoraði tvö mörk fyrir Flensburg sem tapaði fyrir Hamburg, 37-31.