Button heimsmeistari í Formúlu 1

Bretinn Jenson Button tryggði sér í dag í heimsmeistaratitil ökuþóra í Formúlu 1-mótaröðinni er hann varð í fimmta sæti í brasilíska kappakstrinum.

Það var Mark Webber á Red Bull sem fagnaði sínum fyrsta sigri á tímabilinu er hann kom fyrstur í mark í dag. Robert Kubica varð annar, Lewis Hamilton þriðji og Sebastian Vettel fjórði.

Button var fjórtándi á ráslínu en náði með frábærri frammistöðu að vinna sig upp í fimmta sætið.

Hans helsti keppinautur um heimsmeistaratitilinn og félagi hans hjá Brawn GP, Rubens Barrichello, lenti í vandræðum seint í keppninni og datt niður í áttunda sætið.

Vettel átti einnig mjög góða keppni en hann var enn aftar í rásröðinni en Button. Hann kom sér upp í annað sæti stigakeppni ökuþóra með stigin sem hann hlaut fyrir fjórða sætið.

Button er með 89 stig þegar einni keppni er ólokið, Vettel 74 og Barrichello 72.