Margrét Lára og Edda báðar á skotskónum í Svíþjóð

Margrét Lára Viðarsdóttir skoraði í sínum fyrsta leik í byrjunarliði Kristianstad í dramatískum sigri á AIK og Edda Garðarsdóttir skorað seinna mark Örebro í 2-0 útisigri á  Hammarby.

Edda Garðarsdóttir skoraði seinna markið í 2-0 útisigri Örebro á Hammarby. Hún skoraði markið á 70. mínútu. Edda og Ólína Guðbjörg Viðarsdóttir léku allan leikinn með Örebro.

Kristianstad vann dramatískan sigur í fyrsta leik Margrétar Láru Viðarsdóttur í byrjunarliðinu. Margrét Lára kom Kristianstad í 2-0 úr vítaspyrnu á móti AIK en AIK-liðið virtist ætla að tryggja sér jafntefli með tveimur mörkum í seinni hálfleik. Kristianstad skoraði hinsvegar sigurmarkið á lokamínútunni.

Hólmfríður Magnúsdóttir lagði upp fyrra mark Kristianstad en var komin af velli eins og Guðný Björk Óðinsdóttir þegar AIK jafnaði. Margrét Lára og Erla Steina Arnardóttir léku allan leikinn.