Riðlakeppninni á HM lýkur í dag

Í dag lýkur riðlakeppni heimsmeistaramótsins í handbolta í Króatíu. 8 lið eru komin áfram og það ræðst síðar í dag hvaða 4 lið til viðbótar vinna sér sæti í milliriðli.

Fjögur lið hafa unnið alla 4 leiki sína í keppninni til þessa; Frakkland, Króatía, Svíþjóð og Danmörk.

Auk þessara liða eru Ungverjaland, Pólland, Þýskaland og Noregur komin áfram í milliriðla.

Ástralir hafa ekki riðið feitum hesti frá viðureignum sínum á mótinu. Lið þeirra hefur aðeins skorað 60 mörk í 4 leikjum í keppninni en 170 sinnum hafa markverðir þeirra mátt taka boltann úr eigin marki.

Ástralar eru með 110 mörk í mínus og mæta Argentínumönnum í síðustu umferðinni í dag. Þeir hafa tapað öllum leikjum sínum til þessa en 5 lið eru með óhagstæðari markamun en þeir.

Kiril Lazarov fyrirliði Makedóníu er markahæsti leikmaður mótsins með 40 mörk, 10 mörkum meira en Króatinn Ivan Cupic sem er næstmarkahæstur.