HM: Ungverjar spila um 5. sætið

Ungverjaland mun spila um fimmta sætið á HM í handbolta sem fer fram í Króatíu eftir sigur á Suður-Kóreu í dag, 28-27.

Ungverjar unnu einnig nauman sigur á Svíum í fyrradag, 31-30, og luku því keppni með fimm stig í millirðilunum, einu stigi meira en Svíar.

Svíþjóð vann í dag einnig nauman sigur á Slóvakíu, 27-26, og munu því spila um sjöunda sætið á mótinu.

Nánar verður farið yfir gang mála í HM-samantekt Vísis sem birtist þegar öllum leikjum dagsins á HM í handbolta lýkur.