Einar Örn: Hugarfarið var til staðar

„Það er gaman að strákarnir skyldu treysta mér fyrir því að fara þarna inn undir lokin. Svona atvikast þetta stundum en ég hef aldrei áður lent í svona tvo daga í röð," sagði Einar Örn Jónsson, hetja Hauka, en hann tryggði liðinu áframhaldandi þátttöku í EHF-keppninni með því að skora sigurmarkið gegn PLER í kvöld.

„Við lentum í basli, þeir undirbjuggu sig mjög vel. Þeir settu okkur úr jafnvægi með varnarleiknum sínum og við náðum aldrei almennilegu flæði á sóknarleikinn. Hugarfarið var hinsvegar til staðar og menn börðust eins og ljón."

„Þetta er bara bónus fyrir okkur. Við viljum fá sterkt lið í næstu umferð, skemmtilega andstæðinga. Vonandi verður þetta lið sem trekkir að áhorfendur á heimaleikinn okkar, ef við neyðumst ekki til að selja hann," sagði Einar.