Líklega farið fram á gæsluvarðhald yfir Grettisgötuhrottum

Friðrik Smári Björgvinsson hjá lögreglunni á höfuðborgarsvæðinu segir að yfirheyrslur yfir sex Litháum sem grunaðir eru um að hafa veitt samlanda sínum lífshættulega áverka hafi farið fram í gær og í morgun og að þeim verði framhaldið í dag.

Ekki er búið að ákveða hvort farið verður fram á gæsluvarðhald en sagðist Friðrik reikna með því að það verði gert í einhverjum tilfellum. Svæfingalæknir á Landspítalanum í Fossvogi segir að stefnt sé að því að vekja manninn sem slasaðist síðar í dag en vildi lítið tjá sig um eðli áverkanna eða alvarleika.