Innlent

Fimmtán mánaða fangelsi fyrir Grettisgötuárás

Jón Hákon Halldórsson skrifar
Arvydas Guobis var dæmdur í 15 mánaða fangelsi í Héraðsdómi Reykjavíkur í morgun fyrir alvarlega líkamsárás á Grettisgötu 3. júní síðastliðinn. Tveir félagar Guobis voru dæmdir til að greiða 120 þúsund króna sekt til ríkissjóðs fyrir að koma þeim sem fyrir árásinni varð ekki til læknis. Maðurinn missti meðvitund og var líf hans í hættu um tíma eftir árásina. Þá var Guobis dæmdur til að greiða þeim sem hann réðst á 400 þúsund krónur í skaðabætur.




Tengdar fréttir

Haldið sofandi í öndunarvél

Karlmanni á þrítugsaldri er haldið sofandi í öndunarvél á Landspítalanum í Fossvogi eftir að hafa orðið fyrir árás í húsi á Grettisgötu í Reykjavík um miðjan dag í gær. Svæfingalæknir á spítalanum segir að stefnt sé að því að vekja hann síðar í dag. Sex manns eru í haldi lögreglu grunaðir um aðild að árásinni.

Karlmaður í lífshættu eftir misþyrmingar

Tæplega þrítugur litháískur karlmaður slasaðist lífshættulega um miðjan dag í gær þegar til átaka kom í húsi við Grettisgötu í Reykjavík. Sex manns voru handteknir í kjölfarið, fjórir karlmenn og tvær konur.

Tveir karlar og tvær konur í gæsluvarðhald vegna líkamsárásar

Tveir karlar og tvær konur voru í dag í Héraðsdómi Reykjavíkur úrskurðuð í gæsluvarðhald til 15. júní að kröfu lögreglunnar á höfuðborgarsvæðinu. Er það í tengslum við fólskulega líkamsárás á Grettisgötu í gærdag. Um er að ræða tvo karlmenn og tvær konur. Þrjú þeirra hafa kært niðurstöðuna til Hæstaréttar en fólkið er á þrítugs- og fimmtugsaldri.

Mest lesið


Fleiri fréttir

Sjá meira


×

Mest lesið