Skipulagsreglur takmarka hæð húsa

Skipulagsreglur fyrir Reykjavíkurflugvöll hafa nú verið samþykktar af samgönguráðherra og öðlast þær gildi í dag.

Uppkast að reglunum var kynnt á tímabilinu 17. mars til 14. apríl í ár. Þrettán athuagsemdir og ábendingar og athugasemdir bárust og voru ýmsar breytingar gerðar með hliðsjón af þeim.

Til dæmis barst athugasemd frá Reykjavíkurborg um að skipulag flugvallarins væri að mörgu leyti úrelt, meðal annars vegna fyrirhugaðrar bygginga samgöngumiðstöðvar og aðliggjandi byggðar að austanverðu. Borgaryfirvöld vildu fresta gildistöku reglnanna þar til endurskoðun aðalskipulags og deiliskipulags hefur átt sér stað.

Samgönguráðuneytið mat það hins vegar svo að athugasemdir Reykjavíkurborgar breyttu ekki nauðsyn þess að setja skipulagsreglur fyrir flugvöllinn.

Í skipulagsreglunum er meðal annars kveðið á um hæð þeirra húsa sem standa í nálægð við Reykjavíkurflugvöll, en mjög víða í Reykjavík mega þau ekki vera hærri en 55 metrar nema með sérstakri undanþágu flugmálastjórnar.