GOG tapaði í Danmörku

Guðmundur Guðmundsson, verðandi þjálfari GOG, sá liðið tapa naumlega fyrir Bjerringbro-Silkeborg í dönsku úrvalsdeildinni í handbolta í dag.

Bjerringbro-Silkeborg vann með eins marks mun, 34-33, en sigurmarkið kom úr vítakasti á lokasekúndum leiksins.

Þá vann Nordsjælland sigur á Fredericia, 24-21, en Gísli Kristjánsson var ekki á meðal markaskorara fyrrnefnda liðsins.

Bjerringbro-Silkeborg og Álaborg eru á toppi deildarinnar með 24 stig hvort en GOG er í níunda sæti með tólf stig. Nordsjælland er í sjöunda sæti með sautján stig.