Eimskip leiddi lækkanir dagsins

Þrettán félög lækkuðu í Kauphöllinni í gær en aðeins eitt félag hækkaði. Þar var um að ræða færeyska bankann Eik en bréf í honum hækkuðu um 3,77 prósent. Það var hins vegar Eimskip sem leiddi lækkanir í dag en bréf í því lækkuðu um 7,19 prósent. Exista fylgdi á eftir með 5,59 prósent lækkun og Century Aluminum lækkaði um 5,49 prósent.

Velta í Kauphöllinni nam 3.114 milljörðum króna og mest var verslað með bréf í Kaupþingi eða um 1,6 milljarð.

Úrvalsvísitalan lækkaði um 1,52 prósent og stendur nú í 4.057,94 stigum og gengi krónunnar veiktist sömuleiðis um 2.11 prósent. Gengisvísitalan er nú í 164,82.