FME opnar fyrir viðskipti með Glitni að nýju

Fjármálaeftirlitið hefur opnað fyrir viðskipti með fjármálagerninga Glitnis að nýju.

Í tilkynningu á heimasíðu FME um málið segir: „Í kjölfar fréttatilkynningar og umfjöllunar um breytingar hjá útgefanda, m.a. um samkomulag milli hans og ríkisstjórnar Íslands um að ríkissjóður leggi bankanum til nýtt hlutafé, er það mat Fjármálaeftirlitsins að ekki sé lengur til staðar sama hætta á ójafnræði fjárfesta. Fjármálaeftirlitið tilkynnir því hér með að frá og með 30. september 2008 megi viðskipti með fjármálagerninga útgefanda hefjast að nýju."