Skattrannsóknarstjóri fékk allar tiltækar upplýsingar

Skilanefnd Kaupþings banka hf. hefur veitt skattrannsóknarstjóra allar þær upplýsingar sem henni eru tiltækar og óskað var eftir. Þetta kemur fram í tilkynningu frá nefndinni.

Skilanefnd telur rétt að taka fram að í svari til skattrannsóknarstjóra hafi komið fram að Kaupþing banki hf. hafði ekki neina aðkomu að því félagi sem var tilefni fyrirspurnar skattrannsóknarstjóra.

Þar á nefndin væntanlega við um fyrirspurnir um starfsemi Kaupþings í Luxemborg.

Tilkynningin var send vegna fréttar í hádegisfréttum Ríkisútvarpsins í dag um að skilanefndir hafni gagnaskilum til skattrannsóknastjóra.