Arnór skoraði 7 mörk í sigri FCK

Sex leikir fóru fram í dönsku úrvalsdeildinni í handbolta í gærkvöld. Arnór Atlason skoraði sjö mörk fyrir FCK þegar liðið lagði Mors-Thy á útivelli 35-32.

Ásgeir Örn Hallgrímsson skoraði fimm mörk fyrir GOG sem gerði 24-24 jafntefli við Tvis Holstebro á útivelli.

Gísli Kristjánsson skoraði tvö mörk fyrir Nordsjælland í sigri liðsins á Ajax 24-20.

Úrslitin í Danmörku í gærkvöld:

Bjerringbro-Silkeborg - Skjern Håndbold 37-31

Nordsjælland Håndbold - Ajax København 24-20

Team Tvis Holstebro - GOG Svendborg TGI 24-24

Mors-Thy Håndbold - FCK Håndbold 32-35

Fredericia HK - TMS Ringsted 24-19

Århus GF - KIF Kolding 31-32

Silkeborg er í efsta sæti deildarinnar með 19 stig, Kolding hefur 17, AaB 16, Skjern 15 og FCK er í fimmta sæti með 14 stig.