Bale ekki meira með á tímabilinu

Gareth Bale mun ekki leika meira með Tottenham á þessari leiktíð. Þessi ungi og efnilegi leikmaður meiddist í desember og hefur verið á meiðslalistanum síðan.

Tottenham keypti Bale frá Southampton síðasta sumar og hefur leikmaðurinn staðið sig vel í þeim tólf leikjum sem hann hefur leikið fyrir Spurs. Aðallega hefur hann leikið í vinstri bakverði.

Stuðningsmenn Tottenham geta þó huggað sig við að Tottenham keypti vinstri bakvörðinn Gilberto frá Hertha Berlín í janúar.