Ramos segir sína menn fullkomna

Juande Ramos, stjóri Tottenham, var hæstánægður með sína menn eftir 5-1 sigur á Arsenal í gær en þetta var fyrsti sigur Tottenham á erkifjendum sínum síðan í nóvember 1999.

„Liðið allt verður að spila vel til að vinna lið eins og Arsenal," sagði Ramos. „Við gerðum engin mistök og vorum fullkmonir á öllum sviðum."

Ramos tók við starfi Martin Jol í október síðastliðnum og hefur nú stýrt Tottenham í úrslitaleik á sínu fyrsta tímabili.

„Ég er afskaplega ánægður með að stuðningsmennirnir eru ánægðir með liðið og mín störf. En það voru fyrst og fremst leikmennirnir sjálfir sem sköpuðu þennan sigur."