Rúnar fer til Fuchse Berlín

Handknattleiksmaðurinn Rúnar Kárason hefur ákveðið að ganga í raðir þýska liðsins Fuchse Berlín í vor um leið og Dagur Sigurðsson tekur við þjálfun liðsins.

Rúv greindi frá því í morgun að Rúnar hefði samþykkt að gera tveggja ára samning við þýska félagið sem ætlar sér stóra hluti á næstu árum.

Rúnar var ytra að skoða aðstæður um daginn, en einnig höfðu dönsku liðin GOG og FCK verið á höttunum eftir honum. Hann lýsti því raunar sjálfur yfir fyrir skömmu að hann vildi helst fara til FCK.