Gylfi til Minden

Handknattleikskappinn hefur samið við þýska úrvalsdeildarliðið Minden til næstu tveggja ára en hann lék síðast með Wilhelmshaven sem féll úr úrvalsdeildinni í vor.

Minden bjargaði sér hins vegar naumlega frá falli en Gylfi sagði í samtali við heimasíðu Minden að hann ætti ekki von á því að félagið myndi lenda aftur í fallbaráttu næsta tímabil.

„Liðið náði að halda flestum sínum leikmönnum. Það þarf þó að sýna stöðugari leik en það gerði í ár og hef ég fulla trú á að það verði raunin," sagði Gylfi.

Einar Örn Jónsson hefur leikið með Minden undanfarin tímabil en hann heldur heim á leið nú í sumar. Gylfi sagði að Einar hefði aðeins frá góðu að segja varðandi félagið.

„Ég er mikill liðsheildarmaður og gef allt fyrir liðið," sagði Gylfi.