Strákarnir okkar leika í Frakklandi um helgina

Íslenska handboltalandsliðið tekur þátt í æfingamóti í Strasbourg í Frakklandi um komandi helgi. Guðmundur Guðmundsson landsliðsþjálfari valdi sautján manna hóp til að taka þátt í verkefninu.

Fyrsti leikur verður á föstudagskvöld við Spánverja en hinir tveir leikirnir verða sýndir beint á Ríkissjónvarpinu. Leikið er við Frakka á laugardag klukkan 17:30 og svo á sunnudag við Egypta klukkan 12:30.

Leikmannahópurinn: Birkir Ívar Guðmundsson, Hreiðar Guðmundsson, Björgvin Gústavsson, Ingimundur Ingimundarson, Logi Geirsson, Bjarni Fritzson, Sigfús Sigurðsson, Ásgeir Örn Hallgrímsson, Arnór Atlason, Hannes Jón Jónsson, Guðjón Valur Sigurðsson, Snorri Steinn Guðjónsson, Ólafur Stefánsson, Sturla Ásgeirsson, Alexander Petersson, Sverre Jakobsson og Róbert Gunnarsson.