Íslenskir sigrar í Svíþjóð

Tveir leikir voru í sænsku úrvalsdeildinni í knattspyrnu í kvöld og unnu Íslendingaliðin í þeim báðum.

Ragnar Sigurðsson og Hjálmar Jónsson voru báðir í byrjunarliði IFK Gautaborgar sem vann 3-0 sigur á Halmstad. Hjálmar var tekinn af velli í síðari hálfleik.

Helgi Valur Daníelsson lék svo allan leikinn í 4-0 sigri Elfsborg á Malmö.

Elfsborg erí öðru sæti deildarinnar með 47 stig, fjórum á eftir toppliði Kalmar. Meistararnir í IFK Gautaborg eru í fjórða sæti með 37 stig.