Landic Ísland leigir Miðbæjarhótelum Aðalstræti 6 og 8

Samningur hefur verið undirritaður milli Landic Ísland og Miðbæjarhótela/Centerhotels um leigu á rúmlega 3000 fermetrum í Aðalstræti 6 og 8 í Reykjavík. Um er að ræða hluta jarðhæðar, og aðra, þriðju og fjórðu hæð.

 

Stefnt er að því að Hótel Plaza muni opna á milli núverandi hótels í Aðalstræti 4 yfir í húsnæðið í Aðalstræti 6 og 8.

Með stækkuninni mun herbergjum fjölga í Hótel Plaza um sjötíu og fimm og verða samtals 180 gistiherbergi í hjarta miðborgarinnar. Stefnt er að opnun nýja rýmisins á vormánuðum á næsta ári.

 

 

Örn V. Kjartansson framkvæmdastjóri Landic Ísland segir í tilkynningu um málið að það sé mjög ánægjulegt fyrir Landic Ísland að stuðla að uppbyggingu ferðaþjónustu í miðbænum með allt að tvöfaldri stækkun á Hótel Plaza."

 

 

Kristófer Oliversson framkvæmdastjóri Miðbæjarhótela segir að þessi stækkun sé góð viðbót við þau hótel sem þeir rek. nú í miðborginni. Haustið sé betur bókað hjá þeim en á sama tíma í fyrra og á góðum dögum munum við þá geta hýst yfir 800 gesti. Þetta er líklega skjótvirkasta leiðin til að skila gjaldeyristekjum inn í landið."