Hlynur í formannsslaginn

Hlynur Sigmarsson hefur ákveðið að bjóða sig fram til formanns Handknattleikssambands Íslands aðeins degi fyrir ársþing sambandsins.

Hlynur hefur um árabil verið í handknattleiksforystunni í Vestmannaeyjum en ætlar nú að bjóða sig fram gegn Guðmundi Ingvarssyni. Hlynur hefur setið í stjórn HSÍ síðan í vor.

Í fréttatilkynningu frá Hlyni kemur fram að hann hafi áhyggjur af þeirri lægð sem handboltinn hefur verið í á Íslandi undanfarin ár og vill hann "færa handknattleikssambandið inn í 21. öldina."