Enski boltinn

Hinn umdeildi Attwell dæmir á Fratton Park

Attwell með rauða spjaldið á lofti.
Attwell með rauða spjaldið á lofti.

Dómarinn Stuart Attwell mun um næstu helgi dæma leik Portsmouth og Hull. Þetta er hans fyrsti leikur í ensku úrvalsdeildinni síðan hann dæmdi frægt draugamark í leik Reading og Watford.

Attwell er aðeins 25 ára og komst í fyrirsagnirnar í blöðunum þegar hann fór að ráðum aðstoðardómarans Nigel Bannister og dæmdi mark fyrir Reading án þess að knötturinn hafi verið nálægt því að fara inn.

Eftir atvikið var Attwell tekinn af leik Ipswich og Wigan og Mike Dean settur í hans stað. Hann var síðan settur á leiki í neðri deildum og vakti enn meira umtal þegar hann tók mjög margar umdeildar ákvarðanir í leik Derby og Nottingham Forest.

Honum hefur nú hinsvegar verið sýnt mikið traust af enska knattspyrnusambandinu með því að fá verkefnið á Fratton Park á laugardag. Það er ljóst að allra augu munu beinast að Attwell í leiknum.

Enski boltinn

Tengdar fréttir

Attwell kallaður á fund Hackett

Enski knattspyrnudómarinn Stuart Attwell mun á morgun hitta Keith Hackett, yfirmann dómaramála á Englandi, og ræða um frammistöðu sína í viðureign Derby og Nottingham Forest um nýliðna helgi.

Draugaleikurinn ekki endurtekinn

Enska knattspyrnusambandið segir ljóst að leikur Watford og Reading verður ekki endurtekinn. Leikurinn endaði með 2-2 jafntefli en fyrsta mark Reading í leiknum var í meira lagi undarlegt.

Draugamark í Watford

Dómurum leiks Watford og Reading í ensku B-deildinni um helgina urðu á stór mistök er þeir dæmtu gilt mark þó svo að boltinn hafi aldrei verið nálægt því að fara yfir marklínuna.

Mest lesið


Fleiri fréttir

Sjá meira


×

Mest lesið