Laursen framlengir við Villa

Danski varnarjaxlinn Martin Laursen hefur samþykkt að skrifa undir nýjan samning við Aston Villa sem gildir til rúmlega tveggja ára. Hinn þrítugi Laursen hefur verið í frábæru formi með Villa í vetur og er búinn að skora sex mörk. Hann mun líklega skrifa undir á morgun.

Þegar ég kom hingað fyrst var hann haltrandi um og ég verð að segja að ég átti ekki von á því að hann ætti framtíð fyrir sér í úrvalsdeildinni. Annað hefur heldur betur komið á daginn og hann hefur verið stórkostlegur í vetur," sagði Martin O´Neill stjóri Aston Villa.