Enski boltinn

Helgin á Englandi - Myndir

Elvar Geir Magnússon skrifar

Stóru liðin fjögur á Englandi gerðu öll jafntefli í leikjum sínum um helgina. Blackburn og Manchester City héldu áfram að valda vonbrigðum á meðan Sunderland vann stórsigur.

Ljósmyndarar Getty Images voru á öllum leikjum helgarinnar í ensku úrvalsdeildinni og með því að smella á myndaalbúmið hér að neðan má rifja upp helgina í máli og myndum.

Gianfranco Zola og Steve Clarke mættu á kunnuglegar slóðir um helgina þegar þeir mættu með West Ham á Stamford Bridge. Zola fékk höfðinglegar móttökur.
Craig Bellamy kom West Ham yfir í leiknum og ákvað Zola að fagna markinu ekki af virðingu við Chelsea. Heimamenn jöfnuðu í seinni hálfleik og úrslitin 1-1.
Michael Owen kom Newcastle á bragðið þegar liðið vann 3-0 útisigur á Portsmouth. Sylvain Distin er hér í baráttu við Owen í leiknum.
Gabriel Agbonlahor horfir á eftir boltanum hafna í netinu. Hann skoraði tvö mörk fyrir Aston Villa sem vann 4-2 sigur á Bolton.
Ian Ashbee, fyrrum leikmaður ÍR, er hér í baráttunni í viðureign Liverpool og Hull. Gestirnir frá Hull komust í 2-0 snemma leik.
Steven Gerrard, fyrirliði Liverpool, sýndi hvers hann er megnugur og skoraði tvívegis. Leikur Liverpool og Hull endaði 2-2 en öll mörkin komu í fyrri hálfleik.
Enn gengur illa hjá Manchester City. Liðið tapaði fyrir Everton um helgina en sigurmarkið skoraði Tim Cahill í blálok leiksins.
Jeremie Aliadiere, sem eitt sinn var í herbúðum Arsenal, skoraði gegn sínu gamla félagi á laugardag. Arsenal og Middlesbrough gerðu 1-1 jafntefli.
Sunderland tók West Bromwich Albion í kennslustund með 4-0 sigri.
Ricky Sbragia, bráðabirgða-stjóri Sunderland, náði frábærum úrslitum á meðan Roy Keane sat heima í stofu.
Paul Ince og Steve Bruce fallast í faðma fyrir leik Wigan og Blackburn. Eftir leikinn brosti Ince ekki enda vann Wigan 3-0 sigur og ófarir Blackburn halda áfram.
Manchester United fann ekki leiðina að markinu í heimsókn sinni á White Hart Lane. Markalaust.
Enski boltinn

Mest lesið


Fleiri fréttir

Sjá meira


×

Mest lesið