Króatar svo gott sem komnir á ÓL

Króatía vann í dag sigur á Rússum, 26-24, í þriðja riðli undankeppni Ólympíuleikanna í Peking í handbolta. Báðar þjóðir munu þó væntanlega keppa í Peking.

Tvö lið fara upp úr riðlinum en Króatía vann í gær stórsigur á Japönum, 37-22.

Rússar unnu þó enn stærri sigur í gær er liðið vann Alsír, 39-12.

Rússum dugir því sigur gegn Japan á morgun til að tryggja sér sæti á Ólympíuleikunum og Króatar ættu ekki að lenda í vandræðum með Alsír en liðin mætast einnig á morgun.

Síðar í dag mætast Japan og Alsír í riðlinum.