Svíar unnu Pólverja

Svíþjóð vann í kvöld þriggja marka sigur á Póllandi, 27-24, í undankeppni EM 2010 í handbolta.

Þetta var mikilvægur sigur hjá Svíum sem eru með fullt hús stiga eftir fyrstu tvo leikina í 1. riðli undankeppninnar.

Pólverjar höfðu yfirhöndina í hálfleik, 12-11, en leikið var í Svíþjóð. Þetta var annað tap Pólverja í riðlinum en þeir töpuðu einnig fyrir Rúmeníu á útivelli.

Svíar og Rúmenar eru efst í riðlinum með fjögur stig en Svíar eiga leik til góða. Næst koma Svartfjallaland og Pólland með tvö stig en Svartfellingar hafa aðeins spilað tvo leiki, rétt eins og Svíar.