Engin krónubréfaútgáfa enn í mars

Engin ný útgáfa á krónubréfum hefur litið dagsins ljós í þessum mánuði. Hinsvegar falla krónubréf að nafnvirði 27 milljarða kr. auk vaxta á gjalddaga í þessum mánuði og er fyrsti gjalddaginn nú á föstudaginn þegar 2 milljarða kr. falla á gjalddaga.

Fjallað er um málið í Morgunkorni greiningar Glitnis. Þar segir að þann 19. mars sé stór gjalddagi, er 25 milljarðarkr. útgáfa austuríska ríkisins til eins árs kemur á gjalddaga.

Síðan segir: "Enn sem komið er hefur ekkert örlað á nýjum útgáfum í mánuðinum. Vaxtamunur við útlönd hefur farið minnkandi að undanförnu sem hefur vafalítið sitt að segja."