FME getur veitt undanþágu frá yfirtökuskyldu í Glitni

Fjármálaeftirlitið (FME) segir að við sérstakar aðstæður geti FME veitt undanþágu frá yfirtökuskyldu í hlutafélögum. Kaup ríkissjóðs á 75% hlut í Glitni mynduðu klárt yfirtökuskyldu á afganginum af hlutaféinu samkvæmt verðbréfaviðskiptalögunum.

Vísir sendi FME fyrirspurn um málið í dag í framhaldi af því að Þórður Friðjónsson forstjóri kauphallarinnar sagði að yfirtökuskylduna í þessu tilfelli yrði að skoða.

Svar FME er eftirfrandi: „Áform ríkisins munu leiða til tilboðsskyldu þess samkvæmt verðbréfaviðskiptalögum. En hinsvegar er rétt að benda á að Fjármálaeftirlitinu er heimilt að veita undanþágu frá tilboðsskyldu og einnig tilboðsverði við sérstakar aðstæður."