LÍÚ hvetur til að sannreynt sé hvort millifærslur frá Bretlandi virki

LÍÚ hvetur alla meðlimi sína til að láta reyna á sem fyrst hvort Bretar hafi nú opnað fyrir allar millifærslur til Íslands í gegnum breska banka og einnig Landsbankann.

Á vefsíðu LíÚ segir: "Breska fjármálaráðuneytið hefur sent frá sér yfirlýsingu, Financial Sanctions Notice, til allra banka í Bretlandi, þar sem tilkynnt er að opnað hafi verið fyrir allar millifærslur fjármagns til Íslands í gegnum breska banka og einnig Landsbankann ef ljóst er að ekki sé verið að flytja frysta eignir Landsbankans til Íslands.

Samkvæmt upplýsingum frá íslenska sendiráðinu í London er eindregið óskað eftir því að á þetta verði látið reyna sem fyrst til þess að hægt sé að sannreyna fyrrgreindar upplýsingar. Þar er jafnframt bent á að komi upp tilvik, þar sem breskur banki neitar að millifæra fjármuni, sé rétt að hafa samband við Peter Guthrie hjá breska fjármálaráðuneytinu."