Ekki reknir frá Landsbankanum

Atli Atlason framkvæmdarstjóri starfsmannasviðs Landsbankans segir að yfirmenn peningamarkaðssjóða bankans hafi ekki verið reknir. Vísir greindi frá því fyrr í dag að þeim hefði verið sagt upp störfum.

Atli segir að þeir Stefán Héðinn Stefánsson framkvæmdarstjóri eignastýringasviðs og Sigurður Óli Hákonarson framkvæmdarstjóri Landsvaka sem rekur peningamarkaðssjóðina hafi sjálfir sagt upp störfum. Með því vonist þeir til þess að friður skapist um eignastýringasvið bankans.

Líkt og komið hefur fram í fjölmiðlum hafa peningamarkaðssjóðir bankans verið harðlega gagnrýndir að undanförnu.