Nýskráningum bíla fækkar um 28%

Nýskráningar ökutækja á tímabilinu 1. Janúar 2008 – 19. september 2008 er samtals 16.525 Á sama tímabili í fyrra voru 22.878 ökutæki nýskráð hér á landi. Þetta er 27,8% fækkun nýskráninga milli ára.

Eigendaskipti ökutækja á sama tímabili þessa árs eru 63.969 en þau voru 76.592 eftir jafn marga skráningardaga á síðasta ári. Hlutfallsleg lækkun eigendaskipta nemur 16,5% milli ára.

Fyrstu 74 daga ársins 2008 hafði orðið mikil aukning á nýskráningum eða 46,8% borið saman við sama tímabil árið á undan. Það er því ljóst að eftir þann tíma hefur orðið mikill viðsnúningur.

Þetta kemur fram í tölum frá Umferðarstofu.