Skeytti skapi sínu á stórverslun

Ekki liggur fyrir hvað reytti unglingsstúlku, í Minnesota í Bandaríkjunum, til reiði á föstudaginn en hún ákvað að skeyta skapi sínu á stórverslun.

Stúlkan, sem er 17 ára, ók bíl sínum beint á vegg Macy´s-verslunarinnar í heimabæ sínum. Töluverðar skemmdir urðu á byggingunni og bílnum en stúlkan hlaut aðeins minniháttar meiðsl.

Vatnsleiðsla fór í sundur og vatn flæddi á fyrstu hæð. Búðin var lokuð í sólarhring á meðan hreinsað var til en hún síðan opnuð í gær. Stúlkan verður kærð fyrir skemmdarverk.