Starfsfólk hjá Ormsson safnaði fyrir Einstök börn

Starfsfólkið hjá Bræðrunum Ormsson hefur afhent Einstökum börnum 65.000 kr. að gjöf. Þessu fé safnaði starfsfólkið saman á vinnustaðnum og afhenti framkvæmdastjóra Einstakra barna í morgun.

Hólmfríður Þórisdóttir framkvæmdastjóri Einstakra barna segir í samtali við Vísi að þau séu mjög ánægð með framtakið hjá starfsfólki Ormsson. "Fégafir af þessu tagi hjálpa okkur mikið og styrkja rekstur okkar," segir Hólmfríður.

Fram kemur í máli Hólmfríðar að það hafi verið umfjöllun á Vísi um Einstök börn sem varð þess valdandi að starfsfólkið ákvað að efna til þessarar söfnunnar. "Við erum alltaf glöð þegar fólk vill leggja starfsemi okkar lið," segir Hólmfríður.